ເນື່ອງຈາກກໍລະນີ ທີ່ອຸປະກອນຊຸດຖົງລົມນິລະໄພຂອງລົດຍົນ ຍິຫໍ້ ທາກາຕະ(TAKATA) ເຊິ່ງໃຊ້ປະກອບໃນລົດລຸ້ນຕ່າງໆ ຫລາຍຍິຫໍ້ ທົ່ວໂລກ ໄດ້ເກີດບັນຫາຂອງຊຸດສ້າງແຮງດັນແກ໊ສໃນຊຸດຖົງລົມນິລະໄພ ເມື່ອມີການລະເບີດຂອງອຸປະກອນຈາກການທໍາງານ ເຮັດໃຫ້ເສດຊິ້ນສ່ວນວັດສະດຸຕ່າງໆ ກະເດັນໃສ່ຜູ້ຊົມໃຊ້ລົດຍົນແລ້ວເກີດການບາດເຈັບ ຢ່າງຮຸນແຮງ ຫຼື ເຖິງຂັ້ນເສຍຊີວິດ (ເຫດການລັກສະນະນີ້ ແມ່ນໄດ້ເກີດຂື້ນທີ່ຕ່າງປະເທດ)  ເຊິ່ງຂະນະນີ້ທົ່ວໂລກໄດ້ມີການດໍາເນີນການຮຽກຄືນ ລົດຍົນທີ່ຢູ່ໃນຂ່າຍທີ່ຕ້ອງປ່ຽນຊິ້ນສ່ວນ ດັ່ງກ່າວ ຂອງລົດຍົນແຕ່ລະຄ້າຍໃນແຕ່ລະປະເທດແລ້ວ.

ລຸ້ນລົດທີ່ຢູ່ໃນຂ່າຍ ຕ້ອງໄດ້ປ່ຽນຊິ້ນສ່ວນໃນຊຸດຖົງລົມນິລະໄພ

ດັ່ງນັ້ນ, ທາງບໍລິສັດ ນິວຈິບເຊັງ ຈຳກັດ ເຊີ່ງເປັນ ຕົວແທນຈຳໜ່າຍລົດຍົນຍິຫໍ້ ຮອນດ້າ  ໃນ ສປປ ລາວ ມີຄວາມຫ່ວງໃຍຕໍ່ຜູ້ຊົມໃຊ້ຈຶ່ງໄດ້ອອກແຈ້ງການຮຽກໃຫ້ລົດຍົນເຂົ້າມາຮັບການບໍລິການກວດສອບ ເພື່ອປ່ຽນຊິ້ນສ່ວນພາຍໃນຊຸດຖົງລົມນິລະໄພ ເຊິ່ງເປັນມາດຕະການປ້ອງກັນ ແລະ ສ້າງຄວາມໝັ້ນໃຈໃນດ້ານຄວາມປອດໄພໃຫ້ກັບລູກຄ້າ   ໂດຍການແຈ້ງການຮຽກໃຫ້ລົດຍົນເຂົ້າມາຮັບການບໍລິການນີ້ ແມ່ນສາມາດເຂົ້າຮັບບໍລິການໄດ້ທີ່ ສູນບໍລິການສາຂາຕ່າງໆ ຂອງບໍລິສັດ (ທົ່ວປະເທດ) ອີງຕາມການນັດໝາຍໂດຍບໍ່ມີຄ່າໃຊ້ຈ່າຍໃດໆ.

ທ່ານສາມາດກວດສອບວ່າລົດຍົນຂອງທ່ານຢູ່ໃນຂ່າຍຕ້ອງໄດ້ເຂົ້າຮັບການບໍລິການດັ່ງກ່າວ ຫຼືບໍ່?  ໂດຍການໃສ່ຂໍ້ມູນຕາມ Link ປຸ່ມກົດດ້ານລຸ່ມນີ້:

ລູກຄ້າສາມາດຫາໝາຍເລກຕົວຖັງໄດ້ຈາກບ່ອນໃດ?

ລົດຍົນຮອນດ້າທຸກຄັນຈະມີໝາຍເລກຕົວຖັງ 17 ຫຼັກທີ່ສະແດງຂໍ້ມູນລົດຍົນແຕ່ລະຄັນໂດຍລູກຄ້າສາມາດຊອກໝາຍເລກຕົວຖັງລົດຍົນໄດ້ຈາກ 3 ຈຸດດັ່ງນີ້ :

• ໜັງສືທະບຽນລົດຍົນ
•  ປຶ້ມຮັບປະກັນລົດຍົນ
• ຕໍາແໜ່ງໝາຍເລກຕົວຖັງລົດຍົນໃນແຕ່ລະລຸ້ນ ອ້າງອີງຈາກຄູ່ມືຜູ້ໃຊ້ລົດຍົນ

ປະໂຫຍດຂອງການກວດສອບໝາຍເລກຕົວຖັງ

     ສຳຫຼັບ ລູກຄ້າທີ່ສາມາດຕິດຕໍ່ໄດ້ ທາງຮອນດ້າຈະທໍາການແຈ້ງແລະນັດຫມາຍລູກຄ້າແຕ່ລະທ່ານ ເພື່ອໃຫ້ນໍາລົດທີ່ມີເລກຕົວຖັງ ຢູ່ໃນຂ່າຍທີ່ຕ້ອງໄດ້ຮັບການປ່ຽນຊິ້ນສ່ວນໃນຊຸດຖຸງລົມນິລະໄພ (TAKATA) ເຂົ້າມາຮັບບໍລິການປ່ຽນຊິ້ນສ່ວນຕາມທີ່ທາງຮອນດ້າໄດ້ກຳຫນົດຢູ່ແລ້ວ  ແຕ່ການກວດສອບໝາຍເລກດ້ວຍລະບົບນີ້ເປັນວິທີທີ່ສະດວກ ແລະ ວ່ອງໄວຫຼາຍ ລວມເຖິງໃນກໍລະນີທີ່ລູກຄ້າບາງທ່ານຕິດຕໍ່ບໍ່ໄດ້ ແລະ ໃນກໍລະນີທີ່ລູກຄ້າສົງໄສວ່າລົດຢູ່ໃນຂ່າຍທີ່ຕ້ອງປ່ຽນຊິ້ນສ່ວນ ຫຼືບໍ່?  ສາມາດໃສ່ໝາຍເລກຕົວຖັງລົດ ເພື່ອກວດສອບຂໍ້ມູນນີ້ໄດ້.

ໝາຍເຫດ :

1. ກໍລະນີລູກຄ້າທີ່ເປັນເຈົ້າຂອງລົດຍົນທີ່ເຂົ້າຂ່າຍການເຂົ້າຮັບບໍລິການປ່ຽນຊິ້ນສ່ວນດັ່ງກ່າວ ແລ້ວຍັງບໍ່ໄດ້ຮັບການປ່ຽນຊິ້ນສ່ວນໃນຊຸດຖຸງລົມນິລະໄພ  ໃຫ້ທຳການຕິດຕໍ່ ໂດຍການ ກົດປຸ່ມ ສອບຖາມ-ນັດຫມາຍ ແລ້ວທາງສູນບໍລິການຮອນດ້າຈະທຳການນັດຫມາຍກັບທາງລູກຄ້າຕາມຄວາມສະດວກຂອງແຕ່ລະທ່ານຕໍ່ໄປ
2. ສຳຫຼັບການປ່ຽນຊິ້ນສ່ວນໃນຊຸດຖົງລົມນິລະໄພ ອ້າງອີງຂໍ້ມູນ ຕາມທີ່ເຄມເປນກຳຫນົດ ຈະບໍ່ມີຄ່າໃຊ້ຈ່າຍໃດໆ ທັງຫມົດ ທີ່ຮຽກເກັບກັບລູກຄ້າ
3. ສຳຫຼັບ ລົດທີ່ເກີດ ອຸບັດຕິເຫດ ເຖິງຂັ້ນຖຸງລົມນິລະໄພແຕກມາແລ້ວ ບໍ່ສາມາດໃຊ້ ສິດຕາມເເຄມເປນນີ້ໄດ້

ຕິດຕໍ່ສອບຖາມຂໍ້ມູນເພີ່ມຕື່ມໄດ້ທີ່: 

– ສູນບໍລິການຮອນດ້າ ສາຂາ ວັດໄຕ: 021 513 050 ກົດ 608 ຫຼື 020 56700915, 020 22212936.  

– ສູນບໍລິການຮອນດ້າ ສາຂາ ສະຫວັນນະເຂດ: 041 260018 ກົດ 2 ຫຼື 020 54285786.